Жер туралы
Жер мәселелерінің
ақпараттық ресурсы
Бөлiсу

Жерге жеке меншік қазақтың ата-баба дәстүрінде бар — М.Құл-Мұхаммед

Астана. 21 мамыр. Baq.kz — Жерге жеке меншік қазақтың ата-баба дәстүрінен үзілмей келе жатыр. Бүгін Астанадағы Ұлттық музейде өтіп жатқан Жер реформасы бойынша республикалық комиссияның отырысында комиссия төрағасының орынбасары, «Нұр Отан» партиясы төрағасының орынбасары Мұхтар Құл-Мұхаммед осылай мәлім етті.

«Жерді жеке меншікке беру керек пе, жоқ па? Жалпы Конституцияның 6-бабында жер жеке меншікке де, мемлекет меншігінде де болуы керек деп жазылған. Қанша комиссия құрсақ та, қанша қаулы қабылдасақ та онда қабылданған шешім Конституцияға қайшы келетін болса, ондай заңның ешқандай да күші болмайды. Яғни, осыған байланысты жер жеке меншікте де болуы керек», — деді М. Құл-Мұхаммед.

Бұдан бөлек, ол баспасөзде Қазақстанда еш уақытта жер жеке меншікте болмаған деген ұшқары пікір жүргеніне назар аударып, соған қатысты ұстанымын блдірді, деп хабарлайды ҚазАқпарат.

«Егер әлемде жердің меншігі бір халықта болған болса, ол қазақ халқында ғана болатын еді. Қазақтың жайлауы да, қыстауы да, керек десеңіз көшіп-қонғандағы маршруты да белгілі болған. Көшіп-қонуда басқа рудың жеріне түсіп кетсе, руаралық қақтығыстар орын алған. Сондықтан да, жерге жеке меншік қазақтың ата-баба дәстүрінде бар», — деді М. Құл-Мұхаммед.

Сонымен қатар, комиссия мүшесі жерді жеке меншікке берудегі ескерілетін мәселелерге де тоқталып өтті. Оның айтуынша, жер реформасына қатысты қабылданған заңда кемшіліктер баршылық. «Мәселен, онда жерді Қазақстан азаматтарына жеке меншікке сатуға болады дейді де, оларға жалға беруге болмайды деп жазылған. Ал бұған дейінгі кодексте Қазақстан азаматтарына жалға да берілетін, сатуға да болатын. Сонда қалай? Шетелдікке жалға беруге болады, сатуға болмайды, Қазақстанның азаматына сатуға болады, жалға беруге болмайды. Бұл дұрыс емес, қазақстандықтарға жалға да, сатуға да берілуі керек. Өйткені, бір азаматымыздың жерді сатып алуға ақшасы бар, екіншісінде ондай қаражат жоқ», — деді ол.

Қазақстан Қытай, Иран, БАӘ және Сауд Арабиясына ауылшаруашылық өнімдер экспортын арттырады

Қазақстан агроөндірістік кешен (АӨК) өнімдерінің экспортын дамыту бойынша арнайы «жол картасын» әзірлеп жатыр, деп …

Бидай мен ұн тасымалдау өткен жылмен салыстырғанда 800 мың тоннаға артты — ҚТЖ

 Биыл темір жолмен бидай мен ұн тасымалдау өткен жылмен салыстырғанда 800 мың тоннаға артты, …

Қазақстанның астығы қайда экспортталады

ҚазАқпарат — «Азық-түлік корпорациясы» АҚ Экспорттық келісімшарттар департаментінің директоры Нұржан Мұxамеджановтың айтуынша, Ресейде үш …