Жер туралы
Жер мәселелерінің
ақпараттық ресурсы
Бөлiсу

Жер комиссиясының жұмысы бойынша заң жобасы әзірленді — АШМ

Үкіметтің бүгінгі отырысында ҚР Ауыл шаруашылығы вице-министрі Қайрат Айтуғанов аталған ведомствоның жұмыс жоспарының жобасын таныстырды. Жоспардың ішінде Жер комиссиясының жұмысы нәтижесінде қолға алынған шаралар да бар, деп хабарлайды ҚазАқпарат тілшісі.

«Атап айтқанда, жердің жаңа кадастрлық бағасын белгілеу, нақты мәліметтер базасын жасақтау және геоботаникалық карталарды әзірлеу жұмысы жүргізіледі. Қазіргі заң жобасы Үкіметтің ақпанның 16-сы күнгі қаулысымен Парламенттің қарауына енгізілді», — дейді Айтуғанов. Бұдан бөлек, министрлік жоспарында ауыл шаруашылығын дамытудың жаңа бағдарламасы аясындағы шаралар да бар. Бүгінгі отырыста Үкімет мүшелері аталған құжатты мақұлдады. «Жолдауда үлкен міндеттердің жүктелгенін бәріміз жақсы білеміз.

Бұл жоспар аталған міндеттерді орындауға бағытталып отыр. Осы орайда үлкен жауапкершілік жергілікті атқарушы органдарға жүктелген. Осыны тағы да ерекше ескерткім келеді. Біз өз тарапымыздан тиісті шараларды қолға алатын боламыз», — деді Үкімет басшысының орынбасары — ауыл шаруашылығы министрі Асқар Мырзаxметов.

Дерекөз kazinform

Қазақстан Президенті Асқар Мырзахметовті қабылдады

Мемлекет басшысы Нұрсұлтан Назарбаев вице-премьер — ауыл шаруашылығы министрін Асқар Мырзахметовті қабылдады, деп хабарлайды …

Солтүстік Қазақстан облысында астық жинау аяқталды

Солтүстік Қазақстан облысының агроөнеркәсіп құрылымдары астық жинау жұмыстарын аяқтады, деп хабарлайды «ҚазАқпарат» ХАА тілшісі.

Республика бойынша 14,7 млн астық бастырылды

Соңғы мәліметтерге сәйкес, астық алқабының 76,7 пайызы орылып, 14,7 млн тонна астық бастырылды. Бұл …